← Is beag lá a théann thart nach gcloisimid faoi thubaiste nó faoi thragóid uafásach a tharla i gcearn éigin den domhan de bharr na drochaimsire - tuilte anseo, tinte ansiúd agus triomach nó stoirmeacha san áit eile. 🔊
← Is é bunús na faidhbe ná an méid dé-ocsaíde carbóin, meatáin agus gás ceaptha teasa eile a scaoilimid isteach san atmaisféar. 🔊
← Cé gur annamh a fheicfeá simléirí móra arda agus iad ag scaoileadh uatha deatach dubh nó smúit suas san aer sa taobh seo den domhan nílimid gan locht. 🔊
← Cá mbeimis gan ár gcarr, gan ár stéig agus ár laethanta saoire thar lear cúpla uair sa bhliain? 🔊
← Tá an domhan agus a bhfuil ann ar imeall na haille agus é ag féachaint isteach sa duibheagán sin nach dtuigeann aon duine beo. 🔊
← Tá ár nósanna maireachtála faoi mar a bheadh fleadh agus féasta againn agus muid sásta ár bhfuillgháis a sceitheadh isteach san atmaisféar, rud a chuireann gaoth lenár gcúl chun muid a bhrú níos giorra fós don titim. 🔊